DEN DAG SOLEN STOD OP
Oqaatsut en bygd i Grønland​

Læseren følger livet i bygden Oqaatsut (Rodebay) i årene 2007-2014. Familien, der er forfattere til bogen, er tilflyttere fra Danmark, som på alle måder ønsker at forstå og leve som den lokale befolkning. Det blev syv år med trygt naboskab og intenst samarbejde, hvor både store udfordringer og store glæder blev kendetegnende for opholdet. Familien Leed fortæller levende i bogen om bygdevilkår i Grønland, som kun fungerer fordi alle bidrager med deres forskellige kompetencer. Læserne får levende indtryk af hverdagen i skolen, i butikken, i kirken, på slædeture, på ture ind til Ilulissat og meget mere. Men gang på gang træder dagligdagen i baggrunden og bliver overskygget af store og til tider dramatiske begivenheder: Meddelelser fra Spøgelseshuset, kaffemik på Kvindernes Kampdag, besøg af Sussi og Leo, ishelvede, mordvåbnet dukker op, telefonopkald til præsident Obama, isfjeld og tsunami, Hollywood filmoptagelser - og en tur på fjeldet.

Sangerinden Julie Bertelsens præsentation af bogen:
Hvis du er interesseret i .
· eventyr fra det virkelige liv
· at lære noget nyt
· faktuelle oplysninger set 'udefra'
· at gøre noget helt andet i livet
· at blive underholdt
· Grønland og Arktis
· at høre noget om dette fra en helt ny vinkel?
Så læs denne bog om en familie, der flytter til Grønland på grund af udlængsel og behov for mere ro i hverdagen. Det resulterer i en hel del år i Grønland, og de sidste syv år bor de i den lille bygd, Oqaatsut i Nordvestgrønland. Og herfra får du historier, oplevelser, gode råd og en indsigt, man kun kan få, når man som dansk familie vælger at dele hverdag og vilkår med den lokale grønlandske befolkning.

Det hele præsenteres fra en personlig vinkel og med personlige detaljer.

Nunatsinnik inuinillu qallunaatut atuakkiarineqartartut maanna ilapput unnersiutiginngitsoorneq sapernartumik. Soorlu qulequtaanit ersertoq sammineqarpoq nunaqarfik Oqaatsut Ilulissanit pisuinnarmik tikinneqarsinnaasoq, amerlanertigulli angallammik ilaanni navialisarluni tikittariaq.

Atuakkiortuupput inuit pingasut qatanngutigiit Nikoline aamma David, arnartik Lene peqatigalugu. Arnartik atuakkiortoq ikorfartorsimalluaraat nalunanngilaq, tassami assit qalipaatillit ilaat Nikolinep 2000-mi inunngortup aniatalu Davidip 1989-imi inunngortup assilisaraat. Uiusoq ataataasorlu Harald – Oqaatsormiut Columbo-mik pisarsimasaat – atuakkioqataasutut allassimanngilaq, taamaakkaluartoq taassumattaaq misigisai atorsimasaalu ilaapput.

Oqaatigineqartutut atuakkap imarai oqaluppalaannguit ulluinnarni inuunermi pisartut annikitsualuit, amerlanertigut anaanaasup nuliaasullu misigisaanik atugaanillu tunngaveqartut. Atuagaq kapitalinut aggorneqanngilaq, aallaqqaataaniilli naanissaata tungaanut aallaqqaasiutaata naggasiutaatalu saniatigut oqaluppalaannguit imai katillugit 104-aapput, saqqaata assiliartaata kusanarluinnartup saniatigut assitai nuannersut katillugit 122-ullutik. Taamatut assiliartalersorsimanera atuakkiap taama ittup alutornaqutigiinnarpaa allassimasut piinnarnagit aammali isinik qimerluugassat ilanngunneqarsimmata, allatat assitallu taamaasillugit tasioqatigiissillugillusooq pineqarmata.

Oqaluttuartorput Lene Leed Thymiuuvoq. Ilinniarnermi ilaatut sungiusartilluni Ilulissanut peqqaarsimavoq 1986-imi, ukiiartorluni. Kingorna Ilulissanut nuuppoq Nipilersornermik Ilinniarfimmi pisortatut atorfinilluni. Ernera David 1989-imi inunngorpoq, pania Nikoline 2000-mi. Naartuleqqikkami aappaaguani ernisimagaluarpoq, sunaaffali toqungasumik.

Taamanikkut uitaava Harald Ilulissani Perorsaanermut atuartitsinermut Tarnillu pissusaanut Siunnersuisarfimmi sulisuusimavoq. Katikkamik Lene tassa anaanassanngorsimavoq Majamut Rasmusimullu, Haraldip qitornaanut. Atuakkalli imarineruai 2007-mit 2014-imut ilaqutariinnguit taakku Oqaatsumiitillutik inuunerat nunaqarfimmi sumiluunniit peroriartorsimagaanni ilisarnartorpassualik.

Atuakkap pikkunaqutigaa atuakkiortua arnaammat nuliaammallu misigisartooq inuunerup atoqqusaanut assigiinngitsunut qanittoq. Taannaannaanngilaq, aamma inuuvoq tullermut asannittoq. Malunnarpoq tamanna nipituuliutigineq ajoraa, iliuutsimigulli ersersinniartaraa. Ataasiarlunili oqaaqqissaarivoq, tassa ullut ilaanni meeqqani atuartitani oqaaqqissaaramigit alligunik imminut toqunniassanngitsut, pisariaqartitsilerunilligooq ikiortissarsiussasut. Tassani misigivara kalaallit oqariartaasitoqaat ’isummaminnik’/’isumaminik’ assortoraa, atuartitaminut paasitikkusuttutut illugu kristumiussutsip oqariartuutaa tulleq ilittulli asassagit.

Den dag solen stod op aallartippoq 2007-imi ilaqutariinnguit nunasiartortut angallammik Oqaatsunut tikikkiartornerannik. Oqaluttuunneqarpugut Oqaatsut soqartoq, aamakkumi Rodebay Fish, neriniartarfik H8, katersortarfik, atuarfik, errorsisarfik, uffartarfik, imeqarfik, peqqissaasoqarfik/nakorsiartitsivik, qatserisarfik allallu. Taava ilinniartitsisut illuannut pissunneqarpugut ukiuni arfineq-marlunni najugassaannut, Qeqertarsuup Tunuata tungaanut samunga imarsuarmut isikkivigissumut.

Tulliullugit saanneqarput atuakkap sananeqaatai oqaluppalaannguit piviusunik tunngavillit, inuunerup sarfaanit saqisartumit ingerlanneqartuartut, oqartarnitsitut ulluni nuannersuni ilungersunartunilu naapittakkavut. Ataasiarnanga atuarneranni qullipinngitsoorneq ajorpunga, atuakkiortup misikkarissumik oqaluttuartaasia pikkunarsigaangat. Oqaluttualialli assiginagit inuttaasuni pingaarnerusoqanngilaq, oqarsinnaavugulli arlaatigut pinngortitarsuaq taassumalu atoqqusai inuttaasuni pingaarnersaasut. Tassami Oqaatsut avataa iluliarsuarnik, ilulissanik sikunillu naatsorsoruminaattartunik ulikkaarpoq, silaa tassanngaannaq allanngorarsinnaasarluni. Oqaluppalaannguit tamatumunnga tunngasut arlalissuit atuarlugit Oqaatsormiut nersunngitsoorneq ajornartarput.

Pisimasut ataasiakkaarlugit oqaluttuassartaat maana eqqartussallugit isumaqangaanngilaq, ilaalli susaarnaveeqqutigalugit qulequtarsiorlugit assersuutigiinnassavakka: Pulammagiaa; Angerlarsimaffitsinnut tikilluarit; Narsaannarsuarmi illunnguaq; Pujoq majorpoq; Kaperlak; Arnat Ulluat – kaffimik; Sikumi ilorrisimaarneq; Sikuerpoq; Kunngissap tikeraarnera; Silap pissusiata allanngornera; Issip nalaani inunngortut; SPS-ip illuaraataa; Rasmus angutinngorpoq; Sapaassuaq; Tooq, Ulloq inna seqineq nuimmat; Anorersuaq; The Last Airbender; Nikolinep apersortinnera, kiisalu Angerlamut Thymut.

Atuagaq naaneqarpoq naggasiummik, assut attortinnartumik. Oqaatsut qimanneranit ukiut qulit qaangiummmata atuakkiortoq Oqaatsunut tikeraarsimavoq, 2024-imi. Inuit ilaat peerussimapput, ilaalli suli uumasut takoqqikkamigit takuaa kikkut kikkunnik inoqateqalersimasut, kiisalu kikkut allamik suliffittaarsimanersut. Naggasiutaanili tamanit kusanarnersaavoq Oqaatsut qimanneranit kikkut toqusimanersut tusaramigit aqqi taagoramigit. Kusanarnerpaavorli Oqaatsut qimannerannit kikkut toqusimanersut tusaramigit aqqilu tamaasa taagorlugit. Oqaaseq eqqaaniutini atorneqartartoq ”Eqqaaneqarnerat ataqqinartuuli” naggaterlerpiaavoq.

Taannamiuna atuakkiortoq Lene Leed kinaana? Ateq taanna aatsaat tusarakku paasissutissat inummut taassumunnga tunngasut sunaaffa qatanngutimilu nittartagarisaanni nassaakka naggasiutigissavakka.

© https://www.pigerneleed.com/

Lene Leed, inuusoq 1968, qallunaajuvoq erinarsortartoq erinniortartorlu, inuunermi sivisunersaa nipilersornermut pigitippaa.

Aallartippoq gospelimik erinarsortartutut, kingusinnerusukkulli Danmarkimi tamani tamaani erinarsornermik gospelimillu ilinniartitsisalerpoq, allaat amerikamiut legatiannut Lene Leed Vocal Education Scholarshipimut atsiunneqarsimalluni.

Kingusinnerusukkut Kalaallit Nunaannut nuuppoq Silarsuarmi Nipilersornermik Ilinniarfiit Avannarlersaat iluatsitseqaluni aallartillugulu siulersulerlugu.

Taanna ilutigalugu Qeqertarsuup Tunuani meeqqat atuarfianni ilinniartitsisutut sulivoq, kingornalu Danmarkimut uterami nipilersorneq soraarallarpaa.

2011-mi paasivaa Huntingtonip nappaataanik nappaateqalersimalluni. Taanna ilaatigut pissutigalugu nipilersortarnini aallarteqqippaa, tamatumuuna upperisarsiornerinnaq samminagu aammali politikki, inuuneq suullu taakkua akornanniittut tamaasa sammillugit.  

Lene Leed, Nikoline Leed la Cour, David Storch Leed: Den dag solen stod op. Oqaatsut – en bygd i Grønland. Assiliartai ilanngullugit 165-inik quppernilik. Nalinginnaasumik akia: 194,95 kr. Det Grønlandske Selskab, 2024.

Office Manager

Product Manager

HR Lead

Customer Support Lead